Fútarætturin biðin at koyra Johan Dalsgaard úr Fámará

19.07.2013 - 14:00
AktueltSamfelag
Fútarætturin biðin at koyra Johan Dalsgaard úr Fámará
Búnaðarstovan heitti í gjár á Fútarættin at fáa Johan Dalsgaard, Rúna Jacobsen og onnur, sum møguliga eru har, úr sethúsunum í Fámara og av festinum. Og tey skulu taka við sær allar ognir og øll djór
Búnaðarstovan hevur nú heitt á Fútarættin at fáa Johan Dalsgaard við húski á dyr.
 

Í áheitanini á Fútarættin stendur, at teir báðir vilja ikki flyta við góðum, so tí biður Búnaðarstovan Fútarættin um hjálp at fáa teir úr húsunum og av festinum.

 

Fingu freist til 15. juli

10. juni gav Búnaðarstovan Johan Dalsgaard og Rúna Jacobsen freist til 15.juli at fara úr Fámara. Fiskimálaráðið staðfesti avgerðina hjá Búnaðarstovuni. Hin 16.juli var Búnaðarstovan á festivitjan í Fámara, og fekk tá staðfest, at Johan Dalsgaard ætlar sær ikki at fara sjálvboðin av festinum. Tí er Fútarætturin biðin um hjálp.

Fær Búnaðarstovan viðhald í Fútarættinum, kann Fútarætturin heita á politiið at hjálpa sær við at fremja úrskurðin hjá Fútarættinum, vilja fólkini framvegis ikki flyta úr Fámara.

Sambært Fólkayvirlitinum eru Johan Dalsgaard og Rúni Jacobsen skrásettir at búgva í Fámara EITT í Vági.

 

Umfatar eisini Rakul Dalsgaard

Sambært áheitanini á Fútarættin hevur Búnaðarstovan varhugan av, at Rakul Dalsgaard eisini býr í Fámara, men hennara skrásetti bústaður er tó aðrastaðni. Áheitanin á Fútarættin umfatar tí eisini hana.

Fútarætturin hevur ikki enn ásett fund um málið. Og fyrrapartin bar ikki til at fáa at vita har, nær Fútarætturin viðger málið.

 

 
Nýggjastu sendingar í ÚV
Mánadag 22. apríl
Tretivu ár síðan oyggjaleikirnar
93309
Sunnudag 21. apríl
Tónaskaldið Jógvan Telling
93308
Sunnudag 21. apríl
Bolero páskadag 2019
93714
Sunnudag 21. apríl
Hin burturfarni sonurin
93341
Nýggjastu sendingar í SV
Mikudag 24. apríl
25 minuttir: Andrias Høgenni
93252
Sunnudag 21. apríl
Ein stór løta
93495
Sunnudag 21. apríl
Andaktin
93717
Sunnudag 21. apríl
Guðstænasta úr Glyvra kirkju
93718
Sunnudag 21. apríl
Flogbóltur: Mjølnir - Fleyr, mansfinala
93706