Röddin

VIT

 

Landsstýrið fyrireikar mótspælið móti ES
Landsstýrið fyrireikar nú endaliga mótspælið móti samtyktini hjá ES um handilsstongsul móti Føroyum.
Mynd: Savnsmynd  
Í dag fer landsstýrið at seta hart móti hørðum móti ES, sum væntandi síðst í hesum mánaðinum fer at seta forboð fyri at innflyta norðhavssild og makrel úr Føroyum

Landsstýrið fer at biðja ein altjóða gerðarrætt avgera, um ES kann loyva sær at boykotta Føroyar.

Løgmaður fekk fyri einum góðum mánaða síðani sjey milliónir krónur at keypa sær serkunnleika at hjálpa landsstýrinum við at fyrireika gerðarættarmálið.

Fyrireika mótspælið
Nú handilsforðingarnar nærkast av álvara, er landsstýrið eisini farið undir at leggja síðstu hond á sítt mótspæl.

Tá landsstýrið hevur lagt málið fyri altjóða gerðarrætt, og tað verður, sum Útvarpið skilir, gjørt í dag, fær tað sum skilst steðgandi virknað. Og so kunnu tiltøkini hjá ES neyvan setast í verk, so leingi gerðarrætturin situr.

Havrættarsáttmálin
Altjóða gerðarrætturin, sum Føroyar fara at heita á, er partur av Havrættarsáttmálanum hjá ST.

Nakrar fáar dagar eftir at handilsforðingarnar væntandi eru komnar, hittast samráðingarfólkini hjá strandarlondunum í London at tosa um, hvussu norðhavssildin skal býtast næsta ár. Tann fundurin verður 2. og 3.september.   

Fiskivinnu- og alinevndin hjá ES samtykti 31.juli at seta Føroyum handilsforðingar.

Stórur meiriluti fyri resving
268 atkvøður vóru fyri at revsa Føroyar og 17 ímóti. Lond, sum hava 68 atkvøður tilsamans, atkvøddu ikki. Fyri at verða samtykt skuldi uppskotið hava minst 260 atkvøður av teimum 352 atkvøðunum hjá teimum 28 londunum í ES, so meirilutin fyri at boykotta Føroyar var bara níggju atkvøður.

Danmark, sum hevur sjey atkvøður, atkvøddi nei. Og tað gjørdi eittans annað land eisini. Bulgaria, sum hevur tíggju atkvøður,  atkvøddi eisini ímóti handilsforðingunum.

 

 

Les eisini

makrelur, makrel

Kvoturnar fyri 2017 kunngjørdar

Klokkan 11 í morgin fer havrannsóknarstovnurin ICES at kunngera síni tilmæli um kvoturnar fyri norðhavssild, makrel, svartkjaft og rossamakrel

Tíðindi

Kristina Háfoss

Vit hava vent halli til avlop

Kristina Háfoss, landsstýriskvinna, vísir aftur, at hetta landsstýrið er komið til skorin klæðir

Fíggjarlóg 2017, Kristina Háfoss Inntøkuvøkstur, men lítið avlop

Avlopið á fíggjarlógaruppskotinum hjá Kristinu Háfoss er 112 milliónir kr.

Bárður á Steig Nielsen Andstøðan: Samgongan brúkar ov nógvan pening

Útreiðslurnar samsvara ikki við tað, sum samgongan hevur lovað, siga stóru andstøðuflokkarnir

KJ Hydraulik, Vinnudagur KJ Hydraulik árs virki

Vinnudagur var í Norðurlandahúsinum í dag