Eiga at skifta gomlu altartalvumyndirnar út

- Við virðing fyri tí kærleika, sum verandi altarmyndir kring allar Føroyar eru umgirdar av frá kirkjulimum, sum hvønn sunnudag hyggja at teimum, má eg kortini undrast á, at vit ikki hesi seinastu hundrað árini hava fingið fleiri føroyskar altartalvumyndir settar upp í føroyskum kirkjurúmum.

Soleiðis skrivar Kinna Poulsen, listummælari, í grein í Luthersblaðnum, ið var borið í hvørt hús.

Hon viðurkennir, at kirkjurúmið er nakað heilt serstakt fyri nógv fólk, og at tað ivaleyst verður ein ávís mótstøða, um gomlu myndirnar verða skiftar út.

Men nú hava vit føroyska myndlist, og tí er natúrligt, at hon prýðir okkara kirkjur, heldur Kinna Poulsen