- Tíðindi, mentan og ítróttur
Breddin
Tað verður formansval á skránni, tá limirnir í Starvsmannafelagnum, Føroya størsta fakfelag, hittast til aðalfund í Smæruni 7. mars.
Tað er Gunnar Hjelm, ið hevur bjóðað sitandi formanninum Súna Selfoss av.
Gunnar Hjelm er 55 ára gamal og býr í Havn. Hann er varaleiðari á ambulansutænastuni á Landssjúkrahúsinum og hevur fyrr verið álitismaður og felags álitismaður í Danmark.
Súni Selfoss er eisini 55 ára ára gamal og býr í Sørvági. Hann hevur verið í nevndini í Starvsmannafelagnum síðani 2000, tey seinastu 4 árini sum formaður. Súni Selfoss hevur starvast sum útvapsteknikari og savnsvørður í Kringvarpi Føroya.
Við umleið 2.000 limum er Starvsmannafelagið størsta fakfelagið á føroyska arbeiðsmarknaðinum. Felagið er fakfelagið hjá starvsfólkum, ið starvast hjá almenna Føroyar.
Felagið hevur sáttmála fyri starvsfólk, sum arbeiða hjá landi, kommunum og interkommunalum felagsskapum. Haraftruat hevur felagið sáttmála fyri starvsfólk í almennu partafeløgunum Posta og Føroya Tele. Sáttmálapartarnir á arbeiðsgevarasíðuni eru ávíkavist Fíggjarmálaráðið (MMR), Kommunala Arbeiðsgevarafelagið (KAF) og Føroya Arbeiðsgevarafelag (FAG).
Føroyingar skulu ikki gjalda fyri at ganga í haganum, men tað skulu útlendingar. Tað siga bæði landstýrismaðurin, sum umsitur ferðavinnuna og bøndirnir, sum fyrsta dagin koma við eini skipan sum ferðafólk skulu keypa sínar ferðir ígjøgnum.
Helgi Abrhamsen, landsstýrismaður í Vinnumálum, var eisini greiður á máli, tá hann var í breddanum í síðstu viku. Føroyingar skulu ikki gjalda, men tað skulu útlendingar. Hvussu tað heilt ítøkiliga skal skipast vildi landsstýrsimaðurin ikki siga nakað um.
Hvussu vit skilja milum føroyingar og onnur vildi landsstýrismaðurin ikki koma inn á enn - ta finna vit útav, var svarið.
Men nú skal eisini strandferðslan skilja millum føroyingar og onnur
Spania fekk fyrst í árinum nýggja stjórn við Pedro Sanchez úr sosialistaflokkinum á odda.
Stjórnakreppa hevur verið í Spania við fýra tjóðartingsvalum síðstu fýra árini.
Í fjør var val tvær ferðir.
Eftir seinna valið, sum var í november mánaði, eydnaðist tað loksins Pedro Sanchez at skipa stjórn, sum ikki hevur meirilutan ímóti sær. 167 atkvøddu fyri og 165 ímóti honum.
Tað var tó uppá eitt hangandi hár at fleiri ikki atkvøddu ímóti, tí ein av katalonsku loysingarflokkunum atkvøddi blankt.
Í hesum døgum er næst formaðurin úr Katalonska tinginum, Josep Costa, í Føroyum og Breddin fekk orðið á hann í gjár.
Costa er úr einum av stóru loysingarflokkunum í Katalonia, sum tó atkvøddi ímóti Sanchez. Samgongufelagirnir hjá Costa úr Katalonia atkvøddu tó blankt, og tryggjaðu harvið Sanchez sessin sum forsætisráðharri.
Sendingina gjørdu Hallur av Rana, Marjun Dalsgaard og Tróndur Olsen.
Redaktørur var Sólvit Nolsø.
Luttakarar: Súni Selfoss, Gunnar Hjelm, Guðrið Højgaard, Hilmar Eliasen og Josep Costa.