Myndugleikarnir vilja áleggja nær dansi- og skeinkistøð skulu steingja. Hetta fyri at tryggja, at Koronasmittan ikki fer at gera um seg aftur í føroyska samfelagnum.

Avgerðin at útvega hesa heimild kemur aftaná, at fleiri dansi- og skeinkistøð hava havt longri opið enn landsstýrið hevur mælt til.

Harvið fer landsstýrið frá leistinum við at hava álit á føroyingar til at brúka tvang.

Black lives matter
Rasuófriður herjar enn einaferð í USA, aftaná at ein hvítur løgreglumaður í farnu viku drap afro-amerikanska George Floyd.Tá eitt sjónband av handtøkuni endaði úti á netinum elvdi tað til stórar mótmælisgongur og ófrið yvir alt USA.

Men hvat er orsøkin til, at rasuófriður ferð eftir ferð kyknar í amerikanska samfelagnum. Vit tosa millum annað við Jørn Brøndal, professara í amerikanskum viðurskiftum og leiðari fyri Amerikanske studier í Syddansk Universitet.

Hjálparpakki III
Endiliga fekk ferðavinnan kunning um tann triðja hjálparpakkan, ið skal hjálpa hart raktu vinnuni burtur úr Korona-kreppuni.

Men er hann nokk ella skal vinnan hava meira?

Í útvarpsstovuni at kjakast um málið vóru Høgni Hoydal, formaður í Tjóðveldi, Ruth Vang, forkvinna í Framsókn, og Christian Andreasen, tingmaður fyri Fólkaflokkin.

Luttakarar: Bárður á Steig Nielsen, Absalon Áargarð, Sigfríður á Plógv, Jørn Brøndal, Regin Winther Poulsen, Høgni Hoydal, Ruth Vang, Christian Andreasen og Birita Biskopstø.

Gjørt sendingina hava Kaj Joensen, Hallur av Rana og Elin Mirjamsdóttir.

Redaktørur var Hallur av Rana