Alt er blivið Betri hjá TF Holding, men er tað gott, at alt er savnað undir einum samleika, og at ein og sami maður gongur aftur sum forstjóri í bæði Betri banka, Betri trygging og Betri pensjón.

Vit spyrja eisini, um Kringvarpið fór um mark í sendingini Skattamálið, sum viðger sama Betri.

Ein yvirgangsatsókn rakti aftur Evropa í síðstu viku. Vit spyrja, um tað er nøkur orsøk at vera bangin, og um miðlarnir geva yvirganginum tað, teir vilja hava.

Bókasøvnini vóru einaferð ein grundsúla undir upplýsta fólkaræðinum. Hava vit enn brúk fyri bókasøvnum, nú øll vitan er at finna á netinum og kann røkkast við fartelefonini.

Hesaferð eru luttakararnir: Oddfríður M. Rasmussen, rithøvundur og fólkaskúlalærari, Siri H. Tórgarð, leiðsluráðgevi, og Georg L. Petersen, blaðstjóri á Dimmalætting.