Mette Askov fekk ov stóra ábyrgd, tá hon var barn. Avleiðingin var, at hon fór at hoyra røddir inni í høvdinum - eina kvinnu rødd og tvær mannfólkarøddir.

Hon varð sjúkrasystir, men varð alsamt meiri illa fyri sálarliga.

Hon varð innløgd á psykiatriskari deild í átta ár og endin var at hon varð heilt apatisk. Til ein dagin,tá eitt viðgerðafólk fór at spyrja Mette meiri um røddirnar.

Í dag, sigur Mette, at hon ikki longur er paranoid skisofren, men livir eitt vanligt lív.

Hon ferðast runt til ymisk lond og heldur fyrilestur fyri sjúkrarøktastarvsfólkum um sína heilt, serstøku søgu.

Eisini er filmur gjørdur um hennara lív " Røddin hjá Mette".