- Hetta fer neyvan at ganga í meira enn eitt ár

24-01-2020

Fleiri vóru ivasom, tá tað frættist, at kristiliga útvarpsrásin, Lindin, skuldi fíggjast við gávum frá sjálvbodnum

- Tað er ófatiligt, at tað hevur borið til, sigur Preben Hansen, nevndarformaður í Lindini. 1,7 miljónir skulu til rakstur á hvørjum ári.

Kristiliga útvarpsrásin hevur nú sent í 20 ár, og tað er við góðum treysti, at hildið verður fram.

Skráin er heilt øðrvísi í dag í mun til fyri 20 árum síðani, og vit hava fleiri góð hugskot at brúka í framtíðini, sigur Preben Hansen.

Tór Arni Samuelsen, ið er einasti personur í fulltíðarstarvi á rásini, sigur, at fleiri enn 50 fólk eru knýtt at Lindini. Tey flestu arbeiða púra sjálvboðið.

20 ára føðingardagurin verður markeraður við stórum stuðulsdegi, sum verður hildin á Østrøm í Havn í morgin, leygardagin.

Meira fæst at vita um tað á hesum leinki.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)