Einki er sum at fiska hemara

25-02-2021

Í heilar tveir tímar stríddist Tórik Ábraham Rouah við hemaran, ið hann hevði fingið á tráðuna

- Hetta er eitt heilt fantastiskt djór. Orðini eigur Tórik Ábraham Rouah, sum fiskaði ein hemara, ið vigaði heili 221 kilo.

Tá hann hevur bitið á, sýnir hann onga náði. Eg var púra útlúgvaður, tá eg loksins hevði fingið hemaran upp.

Hemarin vigaði 221 kilo. Fleiri hildu, at hetta mundi vera met, men so er helst ikki.

- Eg havi frætt, at ein vigaði 230 kilo, sigur Tórik.

Tórik leggur tó aftrat, at hetta er ein fín motivatión at royna aftur.

Hann ætlar sær út aftur so skjótt tað viðrar.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)