Slipsið hjá Williami Heinesen í ringrás um jørðina

13-09-2023

Talan er um eitt heimagjørt, ullint slips, sum William Heinesen fekk frá eini vinkonu

Tá danski astronauturin, Andreas Mogensen, fór á Altjóða Rumdarstøðina, hevði hann fleiri forkunnugar lutir úr kongaríkinum við sær.

Úr Føroyum er Merkið, ravnafjarðar og eitt ullint slips hjá Williami Heinesen.

Tankin er, at lutirnir, sum verða avmyndaðir á rúmdarstøðini, skulu geva okkum og øðrum høvi at hugsa um, hvørji vit eru, og hvat vit vilja umboða.

Eisini er vónin, at hetta kann geva ungum íblástur til at velja sær eina yrkisleið, ið hevur samband við rúmdina og rúmdargransking.

Elisa Heinesen, ið er abbadóttir William Heinesen, fekk fyrispurning um, hvørjir lutir hjá Williami kundi verið upplagdir at hava við á Altjóða Rúmdarstøðina.

Tey samdust um, at ullinta slipsið, sum Marjun Horsdal vevaði til William, var besta boðið.

Tá Andreas Mogensen kemur aftur á jørðina í 2024, verður slipsið handað aftur.

- Tað er fantastiskt at eiga ein lítlan lut í hesi verkætlan, sigur Elisa Heinesen.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)