- Tíðindi, mentan og ítróttur
Góðan morgun Føroyar
Fyrstu ferð kann vera so nógv. Tað kann vera fyrstu ferð tú mussast, ert ávirkað ella fyrstu ferð tú ert saman við onkrum. Tí kendist tað upplagt at velja hetta evni í ár, sigur Bjørt Lind, næstforkvinna í felagskapinum Kyn, sum skipar fyri viku sex.
Hesa vikuna fara 14 seksualundirvísarar at vitja næmingar sum ganga á fyrsta ári á miðnámi fyri at siga teimum um evni, sum eru viðkomandi, tá tú ert í aldrinum, har sex verður aktuelt.
Fyrr var tað flóvisligt at tosa um sex, men hvussu er við teimum ungu í dag?
- Tað vil altíð vera eitt sindur av fnis og soleiðis, men tað er jú bara upplýsing um lívfrøði og teirra støðu beint nú, so okkara uppgáva er at geva teimum ungu eitt trygt og behagiligt stað at tosa um hesi tingini, sigur Guðrið Patursson, sum er ein av undirvísarunum.