Hósvíkar Róðrarfelag fyllir 50 ár

20-02-2024

- Felagið er í besta blóma, tí vit fáa so góða hjálp frá sjálvbodnum, sigur Bjørk Lykke Ludvig, forkvinna í Hósvíkar Róðrarfelagi.

Felagsskapurin hevur alt at siga.

Tað halda Anna Olsen og Bjørk Lykke Ludvig, sum eru ávikavist trivnaðarfólk og forkvinna í Hósvíkar Róðrarfelagi, sum tann 25. apríl hátíðarheldur 50 ára stovningardag.

Júst góði felagsskapurin og stóra arbeiðið, sum tey sjálvbodnu gera, er ein av høvuðsorsøkunum til, at tað gongst felagnum væl.

- Limir úr Hósvík og øllum Sundalagnum eru altíð fúsir at hjálpa til, tá tørvur er á tí, og tað hevði ikki gingiðst felagnum so væl uttan stóru hjálpina frá teimum sjálvbodnu, sigur Bjørk Lykke Ludvig, forkvinna.

Umframt sjálvbodna arbeiðið er felagsskapurin millum limirnar av alstórum týdningi.

- Her er gott at vera, og tey ungu tíma væl at brúka tíð í neystinum og úti í bátunum. Harafturat skipar felagið fyri nógvum ymiskum tiltøkum alt árið, og tá er undirtøkan altíð góð, sigur Anna Olsen.

Í morgunsendingini greiða Anna Olsen og Bjørk Lykke Ludvig frá felagnum og virkseminum, sum er í Hósvíkar róðrarfelagi.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)