Øðrvísi sálmasangur við Niels og Eilin

05-02-2016

Niels Midjord og Eilin Hansen sungu í morgunsendingni tveir sangir úr nýggjari útgávu. Tey hava tvær konsertir um vikuskiftið

Niels Midjord hevur í nøkur ár arbeitt við eini verkætlan, sum hann nú gevur út. ?Faðir vár sálmarøðin hjá Mikkjali á Ryggi sungin til føroysk fólkaløg" eitur verkætlanin, talan er um verk við bæði tónleikafløgu og DVD-útgávu.

Í tí sambandi vitjaði Niels Midjord í morgunsendingini. Við sær hevði hann Eilina Hansen. Tey bæði sungu, spældu og greiddu frá.

Um vikuskiftið hava tey tvær konsertir. Tann fyrra er leygardagin í Miðvágs kirkju leygardagin klokkan 16.00. Tann seinna er í Norðurlandahúsinum sunnudagin klokkan 16. Síðani verður farið runt landið á hesi støð:

Leygardagin 13. februar í Gøtu klokkan 16
Sunnudagin 14. februar á Viðareiði klokkan 16
Leygardagin 20. februar í Kvívík klokkan 16
Sunnudagin 21. februar á Sandi klokkan 15
Leygadagin 27. februar í Hvalvík klokkan 16
Sunnudagin 28. februar á Nesi klokkan 16

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)