Leygardagin, 12. mars letur Ida Jacobsen upp eina málningaframsýning í Ribarhúsi. Ida hevur málað nógv tey seinastu árini. Hon býr á Ellis- og røktarheiminum i Runavík, er ættað úr Fuglafirði og er áttati fýra ára gomul.

Ida hevur altíð verið stak poetisk, skemtingarsom, dugir væl at siga frá og hugnalig at vera saman við. Hon hevur verið sjúk síðani 2008, fær ikki gingið, og kann bert brúka aðra hondina.