Kannar ridluskriða í samstarvi við Setrið

13-10-2016

Lesandi á Setrinum skriva uppgávu um ridluskriða, og í tí sambandi verða nógvar blóðroyndir tiknar í seyðahúsinum á Glyvursnesi

Morgunsendingin skiftir orð við Sjúrð Patursson úr Kirkjubø, sum er festari á Glyvursnesi.

Teir vóru á fjalli síðsta mikudag. Mjørki kom á undir fyrstu gonguni, og tí gekk nógv eftir.

Teir ungu fóru niðan aftur tvær ferðir, og tá kom mest sum alt inn.

150 áseyðir eru tilsamans, og Sjúrður Patursson letur sera væl at skurðinum.

Veðurlombini viga 33 pund í miðal og gimburlombini 29 pund. Tað verður hildið at vera sera gott í haganum.

Hetta er gott lív, um tú tímur tað, men tað er neyðugt, at tey, ið eru rundan um, eisini tíma, sigur Sjúrður Paturssom

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)