Omri vil lata ostahandil upp í Føroyum

13-03-2017

- Eg spurdi bara um fólk vildu keypa ost, um eg framleiddi eitt sindur. Áðrenn eg visti av høvdu eini 5-600 fólk svarað, at tað vilja tey fegin

Omri Galperin er 41 ára gamal, og hevur framleitt ost í 15 ár. Hann og familja sín eru úr Ísrael, men hava síðsta árið búð í Føroyum. Dreymur hansara er at lata ostahandil upp í Føroyum.

Umframt at gera ost skrivar hann eina bók, spælir trummur og kennir seg sum eitt slag av vegleiðara fyri fólk, ið ferðast millum Føroyar og Ísrael.

Hann hevur ferðast nakrar ferðir til Føroya. Men í fjør fekk konan møguleika, at arbeiða í Føroyum í eitt ár og tey valdu at taka av.

Omri veit ikki hvaðar leiðin gongur nú. Men hann vónar, at tað gerst møguligt, at lata upp ostahandil í Føroyum og vera verandi eina tíð afturat.

omri_galperin_mynd_2.jpg

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)