- Mín vón er at fáa starv á barnaheimi

13-03-2017

Morgunsendingin vitjar í Hoydølum har 10 næmingar við autismuspektur-órógvi eru í serflokki

24 ára gamla Sofía Øregård, sum hevur asperger, gongur í serflokkinum, og Oggi Lamhauge er ein av trimum í mentortoymi, ið er knýtt at flokkinum.

Sofía Øregård trívist væl í Hoydølum.

Tað tók eina løtu at venja seg við alt tað nýggja, men nú er tað stuttligt, og kemiin í flokkinum er góð, sigur hon.

Í framtíðini ætlar Sofía Øregård at lesa til námsfrøðing.

Seinni vónar hon at fáa starv á fátækum barnaheimi í eitt nú Russlandi ella Kasakstan.

Eg ynski at vera ordiliga góð við hesi børnini, sigur Sofía Øregård.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)