Visit Nólsoy kosið ársins nýbrot

15-03-2017

Treytin at vinna er, at tey í farna árinum hava gjørt okkurt nýhugsandi, sum er við til at menna útboðið og støðið á ferðavinnutænastum í Føroyum

Barbara Andreasen og Tjóðhild Patursson starvast á Visit Nólsoy. Tær fegnast um heiðurin, og gleða seg at taka ímóti ferðafólki í 2017.

Í grundgevingini stendur:

“Visit Nólsoy hevur ment eitt tilboð, sum dregur ferðafólk til Nólsoynna sum ongantíð áður.
Við øðrvísi tankagongd, nýskapanarhugi og framsýntum ætlanum hevur Visit Nólsoy sett Nólsoynna á ferðavinnukortið í Føroyum.
Á Visit Nólsoy savna tey seg um tað staðbundna, tað burðardygga, røturnar, tað næra og vinarliga.
Á ein nýggjan og øðrvísi hátt røkka tey kundaskaranum, leggja afturat virði til oynna og ikki slepst undan at blíva bitin av teimum.”

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)