Kristina Ejdesgaard, deildarileiðari á Apotekinum, og Kristina Jacobsen, farmakonomur, greiða frá, hvussu vit kunnu verja okkum móti sólini, bæði tá vit eru í Føroyum og uttanlands.

Sjálvt um sólin ikki er so ofta frammi í Føroyum er tað skilagott at verja seg móti henni, tá hon er frammi. Eisini er tað skilagott at fylgja við sínum móðurmerkjum, fyri at fyribyrgja ella varnast húðkrabba í góðari tíð.

Endamálið við átakinum Euromelanoma er, at styrkja, menna og samskifta um fyribyrging, sjúkueyðkenni og viðgerð av húðkrabba.