Ein spennandi og strævin uppliving

21-09-2017

- Hetta hevur verið strævið, tí eg havi eisini skúlan at passa, sigur Astrið Foldarskarð, sum er í Miss Danmark finaluni

Leygardagin skal 22 ára gamla Astrið Foldarskarð kappast um at gerast Miss Danmark 2017.

Fleiri fólk munnu ivaleyst kennast við navnið, tí í nógv ár hevur hon verið ein av Føroya fremstu svimjarum.

Herfyri kundi Astrið Foldarskarð avdúkað, at hon er millum tær 30 kvinnurnar, sum leygardagin skulu á pallin í Keypmannahavn, tá Miss Danmark skal kjósast.

Seinastu vikurnar hava verið heldur strævnar fyri Astrið Foldarskarð, tí umframt at hava úr at gera í sambandi við kapingina, gongur hon eisini í skúla.

- Higartil hevur hetta verið ein ógvuliga spennandi uppliving, men tað hevur eisini verið strævið, sigur Astrið Foldarskarð.

Í morgunsendingini fortaldi Astrið Foldarskarð, sum er úr Rituvík, um upplivingina í sambandi við kappingina

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)