Seint seinnapartin í gjár spældi føroyska A-landsliðið hjá kvinnum í hondbólti sín fyrsta EM-undankappingardyst. Tað var ímóti Serbia, og dysturin bleiv spældur í Petrovac, sum liggur í Beograd. Føroyar taptu 36-20 fyri Serbia.

Annar av høvuðsvenjarunum, Sophus Dahl Christiansen, er sum heild nøgdur við føroyska avrikið, hóast Føroyar taptu:

- Vit spældu ein harðan dyst móti einum góðum liði. Vit høvdu ávísar trupulleikar at byrja við, og mótstøðuliðið fekk fleiri mál, men aftan á eina løtu fingu vit stýr upp á nervarnar og komu ordiliga í gongd, sigur Sophus Dahl Christiansen.

Hann vísir á, at tað var ein ávísur munur á føroyska liðnum og Serbisku spælarunum.

- Tað eru serliga tær teknisku villurnar, vit gjørdu, sum mann verður straffaður fyri, og tað verður umsett til mál, sigur Sophus Dahl Christiansen, tá morgunsendingin prátaði við hann.