Føroya størsti fjeppari av sendingini "Bonderøven" hitti í gjárkvøldið danska bóndan.

- Hann var so fittur, og eg gav honum ein muss á hvønn kjálka, sigur ein ovurfegin Halla Debes.

Frank Erichsen, betri kendur sum Bonderøven, hevði í gjárkvøldið ein fyrilestur á Østrøm, og tað var í tí sambandi, at hann og Halla Debes hittust fyri fyrstu ferð.

- Eg sendi honum og familjuni fyri nøkrum árum síðani troyggjur, sum eg hevði bundið, og í gjárkvøldið var hann eisini í troyggjuni, sigur Halla Debes, sum hevur ætlanir um at binda honum og familjuni nýggjar troyggjur.

- Fyrst skal eg binda langommubørnunum troyggjur, tí tey koma í fyrstu røð. Síðani kemur Frank og hansara familja, sigur Halla Debes.

Í morgunsendingini greiddi hon frá upplivingini í gjárkvøldið, tá hon á fyrsta sinni møtti Bonderøven.