Føroyingar virða allar dialektir eins

22-11-2017

Jógvan í Lon Jacobsen, professari í málfrøði, er við í dialekt verkætlan.

Kanningin legði seg í fyrstu atløgu eftir at staðfesta, um føroyskir næmingar í 9. flokki mettu ymsu dialektirnar ymiskt.

Niðurstøðan var, at dialektirnar ikki hava nakra ávirkan.

Í Føroyum tykjast dialektirnar at vera høgt í metum. Tað er einki óvanligt at hoyra ymsar dialektir í miðlunum.

- Vit stigmatisera ikki dialektir í Føroyum, og tað er ein dygd, heldur Jógvan í Lon.

Í Danmark vísir tað seg hinvegin, at stórur munur er á virðingini, sum ymsu dialektirnar hava.

Keypmannahavnar-dilektin er hægst í metum.

Hin parturin av kanningini er, hvussu føroysku dialektirnar broytast við tíðini.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)