- Tíðindi, mentan og ítróttur
Góðan morgun Føroyar
Syng meg heim til slignan bø og turkiløg eitur nýggja útgávan.
Ólavur Højgaard hevur savnað manningina úr upprunaligu Vestmonnunum, og hevur saman við henni og øðrum gestum sett saman eitt víðfevnt savn av siðbundnan fólka- og kontrisangum.
Summir sangir eru í moll, og stórur dentur er lagdur á tekstin sigur Ólavur Højgaard.
Á fløguni eru, umframt tað, sum sangarin sjálvur hevur gjørt, eisini sangir og tekstir hjá Martini Joensen.
Niels Midjord hevur týtt tekstir, sum Ólavur Højgaard upprunaliga skrivaði á enskum, umframt at hann hevur týtt sangin Úr skýmingini, sum Rúni W. Højgaard skrivaði á enskum.
Ein eykasangur á útgávuni er tann á YouTube nógv spældi jólasangurin, Jólaheilsan til hina fjøldina, sum Holgar Jacobsen hevur skrivað.
Luttakandi tónleikarar á fløguni eru: Niels Olsen, Bogi Olsen, Martin Joensen, Jógvan í Toftum Olsen, Milson Zachariasen, Holgar Jacobsen, Kára Olsen og Høgni Klakkstein.
Erik Biskopstø hevur ljóðblandað og mastrað. TUTL gevur út.