Soleiðis siga tey í Klaksvíkar sjónleikarfelag um leikin Buldralig jól, sum verður sýndur seks ferð um vikuskiftið. Fyrstu ferð í kvøld, fríggjakvøldið, klokkan 7.

Spælt verður í gomlu brandstøðini. Har rúmast bara 50 áskoðarar hvørjaferð, og tí verða tað í mesta lagi 300 fólk í alt, sum sleppa til Buldralig jól.

- Eg havi altíð hildið, at okkum manglar svartan humor og satiru í Føroyum, sigur Jógvan á Høvdinum, sum er ein av leikarunum.

Millum evnini, sum verða tikin upp, eru Kvørnin, Klaksvíkar kommuna, Ægir og Kí.