Tað er ymiskt, hvussu desember mánaður og jólasiðvenjurnar eru í teimum ymisku Norðurlondunum.

Brynja Ósk Birgisdóttir og Katarina Petersen eru úr Íslandi og Svøríki, har tey hava øðrvísi siðvenjur enn tær, vit kenn.

Eitt nú hava íslendingar 13 jólamenn.

- Í Íslandi eru 13 jólamenn, sum allir hava hvør sítt navn og serliga persónligheit. Og teir jólamenninir eru rættiliga kúllasligir og gera fortreð upp á ymiskar mátar, fortelur Brynja Ósk Birgisdóttir, sum sjálv er úr Íslandi.

Eisini í Svøríki eru jólini eitt sindur øðrvísi, enn hvat vit í Føroyum kenna tey.

- Eitt, sum fyllir rættiliga nógv í Svøríki í desember, er lusiagonga. Tað er nakað, sum eisini verður sent í sjónvarpi, og tá savnast øll familjan fyri at síggja hetta í sjónvarpinum, sigur Katarina Petersen.

Í morgunsendingini fortaldu tær báðar um tær ymsu siðvenjurnar, sum eru, og hvussu tær uppliva føroysku jólamentanina.