Vit brúka nøvnini á kendum føroyingum til okkara flota, og tí vilja vit geva eitt sindur aftur til føroyska samfelagið. Soleiðis tekur Ingrid Bjarnastein til. Ingrid er content manager og samskipari í Listaflogi hjá Atlantic Airways.

Listaflog er stuðulsskipan hjá Atlantic Airways, sum varð sett á stovn í sambandi við, at flogfør og tyrlur hjá flogfelagnum fingu nøvn eftir mætum føroyskum listafólkum. Listaflog er, sum navnið leggur upp til, ein stuðulsskipan, sum skal stimbra føroyskari list fíggjarliga. 100.000 krónur verða latnar 28. mars á hvørjum ári. Hetta er dagurin, tá Atlantic Airways fór á flog á fyrsta sinni.

Umsóknarblaðið sæst her