USA: Skottilburðir elva til økta vápnasølu

20-02-2018

Rørslan #menext roynir at fáa vápnalógina í USA strangari, men tað er helst langur vegur til nakra broyting á tí økinum, heldur stjórnmálafrøðingur

Í fleiri statum í USA hevur tað týdning, at ein skal hava frælsi at hava vápn uppá sær fyri at verja seg. Men nú royna fleiri ungdómar at eggja poltikkarum at broyta lógina, soleiðis hon gerst strangari. Hetta gera tey undir hash-tagginum "menext".

Um vikuskiftið savnaðust fleiri hundrað fólk í Florida til eina mótmælisgongu, har tey vístu sína ónøgd við verandi vápnalóg. Hetta var í sambandi við, at ein ungur maður megnaði at drepa 17 ung, hóast fleiri høvdu boðað frá einum ivasomum atburði hjá hesum manni.

- Tað er helst langur vegur til nakra lógarbroyting í vápnalógini, tí hugburðurin um frælsi til at hava vápn uppá sær fyri at verja seg er so inngrógvin í mentanini í fleiri statum í USA, sigur Regin Berg, stjórnmálafrøðingur.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)