- Tíðindi, mentan og ítróttur
Góðan morgun Føroyar
Í Degi & Viku týskvøldið var innslag um, at tað nú ber til at greiða atkvøðu til russiska forsetavalið í Føroyum.
Tað var tó ikki evnið í innslagnum, sum bleiv mest umrøtt.
Hinvegin var tað jakkin hjá journalistinum, sum fekk fólk at skriva á Facebook. Talan var um ein jakka, ella anorakk, í kamouflage-litum. Fleiri vístu á, at plaggið minti um ein hernaðarbúna og fekk tankarnar at leita til kríggj og stríð.
Hernaðarjakkin er ikki bannlýstur í Degi & Viku, sigur Heini Gaard. Jakkin kann helst brúkast í onkrum høpi. Ymsar støður leggja upp til ymsan klædnastíl.
Tíðindafólkini hava framvegis frælsi at lata seg í tað, tey hava hug til. Tey duga sjálvi at meta um, hvat hóskar seg.
Vit mugu tó ásanna, at hesa ferð tók jakkin fokus frá áhugaverda innslagnum, og tað harmist eg um, sigur tíðindaleiðarin.