Blái Krossur letur sølubúð upp á Tvøroyri

15-03-2018

Í dag letur Blái Krossur sølubúð upp á Tvøroyri. Ætlanin er tó ikki bara at hava sølubúð, men eisini annað virksemi.

Blái Krossur vil gjarna røkka Suðuroynni eisini, og fyri einum ári síðani heittu suðringar á Bláa Kross um at lata upp sølubúð har.

- Tað er lættari at fara í gongd við virksemið har suðuri, tá lokalu styrkirnar ynskja tað, sigur Petur Jákup Petersen, aðalstjóri í Bláa Krossi.

Ætlanin er eisini at hava bólkaarbeiði millum børn og ung eftir summarfrítíðina. Hetta fyribyrgingararbeiðið er fyri børn og ung, sum vaksa upp í heimum við rúsdrekka.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)