Nú skulu uppskot til ársins íverksetara latast inn

11-04-2018

Íverksetarahúsið fer skjótt at finna ársins íverksetara, ársins innovatión og ársins íløgu. Tilnevningar skulu latast inn nú og fram til 27. apríl.

Allar tilnevningar eru vælkomnar, men ársins íverksetari skal hava víst árræði, dirvi og nýhugsan á onkran hátt, og skal hava vunnið sær pening við sínum arbeiði, sigur Bjartur Nolsøe, stjóri í íverksetarahúsinum.

Tað ber eisini til at senda uppskot inn til ársins innovatión og íløgu. Undanfarnu tvey árini vóru eingin uppskot til ársins íløgu, og tískil fekk eingin tann heiðurin. Bjartur Nolsøe vónar, at tað koma uppskot inn í ár.

Heiðurslønirnar verða latnar á ársins íverksetaradegi 11. mai í ár. Tá velur ein dómsnevnd, hvør fær heiðurslønirnar. Íverksetarar kunnu heinta sær nógvan íblástur henda dagin, tá m.a. kendi, danski íverksetarin Martin Thorborg hevur fyrilestur.

Uppskot til ársins íverksetara, innovatión og íløgu skulu sendast á iverksetan@iverksetan.fo.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)