- Tíðindi, mentan og ítróttur
Góðan morgun Føroyar
Týsdagin í síðstu viku fór Jóhanna av Vági við kós ímóti St. Kilda í Skotlandi.
Ferðin gekk væl, men nógvur vindur var einu náttina. Tað bleiv heldur ófantaligt eina løtu, sigur skiparin, Hans í Líðini.
- Vit hava vitjað flestu plássini í Skotlandi, sigur skiparin, og nú var stundin komin at vitja St. Kilda.
Søgan er áhugaverd. Fólk, sum búði á staðnum, vórðu tvangsflutt í 1930unum. Tey livdu ov isolerað, og tí var innanøring.
Og eisini er áhugavert, at seyðurin sigst vera tann sami, sum var í Dímun, áðrenn tað var avtikið.
17 mans eru við á ferðini, og allir ganga vakt.
- Vit hava tað sum greivar, sigur skiparin. Harmonikan er við, og tað verður dúgliga sungið umborð.
Sluppin er bygd í 1884 í Suðuronglandi, og tað ger eisini, at áhugin at síggja sluppina er stórur.