Skótarnir hjálpa børnum við diabetes

31-08-2018

Sunnudagin ganga KFUM-skótarnir stuðulsgongu. Umframt at savna pening til uttanlandsferð, fer peningurin eisini til børn og ung við diabetes týpu 1

Sunnudagin fara skótalið KFUMs at ganga eina sokallaða stuðulsgongu í Havn.

Endamálið er savna inn pening, soleiðis at føroyskir skótar kunnu fara á heimsjamboree í 2019, sum tá verður í USA.

Men helvtin av pengunum, sum koma inn sunnudagin, fer til føroysk børn og ung, sum hava diabetes týpu 1.

- Orsøkin til, at vit eisini vilja stuðla einum vælgerandi endamáli, hevur eisini nakað at gera við grundhugsjónina hjá skótarørsluni - Skyldan mótí Guði, skyldan móti øðrum, skyldan móti sær sjálvum og virðing fyri øllum livandi, sigur Jóannes Østerø, sum er partur av foreldrabólkinum í KFUM.

Í morgunsendingini greiddu hann, Yngva S. Lamhauge, skóti, og Elmar Ósá, barnalækni, um stuðulsgonguna og diabetes.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)