Søgan um løgmann og eitt leysingabarn

24-09-2018

Løgmaður og Dorthea Wenningsted - Eitt stríð um makt og leysingabørn síðst í 1700-talinum, er heitið á framløgu á Vísindavøku á ferð

Dorthea Wenningsted kom úr Wenningsted, sum er ein lítíl bygd á markinum millum Danmark og Týskland.

Dorthea Hansdatter, sum hon upprunaliga æt, var fødd í 1758.

Hon kom til Føroya, saman við beiggja sínum, í áleið 1780.

Hon bleiv tænastugenta á løgmansgarðinum á Steigagarði í Sandavági.

Hon átti barn í 1788 uttanfyri hjúnalag.

Dorthea Wenningsted vildi vera við, at løgmaður, Johan Michael Lund, var pápi at barninum.

Løgmaður átók sær ikki leiklutin, og hetta var byrjanin til eina drúgva tilgongd, har løgmaður brúkti sín myndugleika til at steðga málinum.

Sámal Tróndur Finnson Johansen, stjóri á Tjóðskjalasavninum, hevur framløgu um evnið á Sørvágs Bókasavni í kvøld, mánakvøldið.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)