Liðið vinnur, spælararnir vinna

04-10-2018

Málteigurin hesaferð viðger millum annað, nær vit brúka eintal ella fleirtal og heilsanina, hav ein góðan dag

Lurtari hevur sent ein spurning til Málteigin, har viðkomandi spyr, nær vit eiga at brúka eintal, og nær vit brúka fleirtal.

Lurtarin skrivar soleiðis: Eg hoyri viðhvørt, serliga í samband við ítróttafrásagnir, at fólk siga til dømis HB taptu, HB runnu, HB stóðu og Føroyar vann. Men nær tosa vit um spælarar, og nær tosa vit um felag? Nær brúka vit eintal og fleirtal?

Heilsanin, hav ein góðan dag, er eisini til viðgerðar, og vit tosa eisini um tummilsregluna, sum er galdandi fyri, nær vit siga fyrri og seinni.

Nýggju orðini í Málteiginum eru falstíðindi og fyrstamál og annaðmál. Elin Henriksen, málkøn, er í útvarpsstovuni.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)