Fyrr í ár fór Lena Anderssen til Los Angeles at taka upp sína næstu útgávu.

Sangurin To Be With You Again var í bruttohópinum, men onkursvegna riggaði hann ikki inn í heildina á útgávuni og var tí lagdur til síðis fyribils.

Men To Be With You Again sat framvegis í kroppinum.

Tí tók Lena eina viku úr kalendaranum í summar og tók sangin upp saman við Niclasi Johannesen.

Og í dag kemur sangurin út.

Geoff Emerick, sum arbeiddi saman við the Beatles á Revolver, Sgt Pepper og Abbey Road - umframt fleiri øðrum kendum tónleikarum, hevur verið tøkningur hjá Lenu á komandi útgávuni.

Fyri fáum døgum síðani bórust tíðindini um, at Geoff Emerick var deyður, 72 ára gamal.

Hetta var skelkandi at frætta, sigur Lena.

Hann var fantastiskur at arbeiða saman við, og hann dugdi lurta intuitivt. Hann var róligur og gjørdi, at alt órógv í studionum hvarv.

Geoff Emerick hevur longu sett síni fingramerki í útgávuna.

Nú verður avbjóðingin hjá okkum, at gera restina í hansara anda, sigur Lena.

Næsta fløgan kemur ætlandi á marknaðin í vár.