At duga at lesa eina støðu og fyribyrgja rokinum, áðrenn tað tekur tekur seg upp, er millum fremstu dygdir ein duravørður skal hava.

Tað sigur Terji Nielsen, sum í mong ár starvaðist sum duravørður. Flestu árini í Club 20.

Morgunsendingin hittir Terja Nielsen í Klubbagarðinum.

Samrøðan verður gjørd við inngongdina til tað, sum í dag eitur Luux, men sum fyrr hevur havt mong onnur nøvn. Eitt nú Hølið, Tiffany, Berlin Rock Palace, Garðurin, Deep, Eclipse og ikki minst Club 20, sum var navnið í fleiri ár.

Terji Nielsen heldur tað vera skilagott, at krøv verða sett til duravørðar. Til dømis krøv um at duga fyrstuhjálp og hava tikið brandskeið.

Poul Michelsen, landsstýrismaður í vinnumálum, ætlar, at krøv skulu setast  duravørðum.

Hetta verður gjørt við einum uppskoti, hann hevur lagt fyri Løgtingið, um virksemið hjá matstovum og skeinkistøðum.

Duravørðar hava við full fólk at gera, og tað kann seta ávísar treytir til teir.

Løgreglan hevur tískil biðið politiska myndugleikan umhugsa, um at tað ikki skal vera ein treyt fyri at fáa skeinkiloyvið, at duravørðar lúka ávís krøv.