- Tíðindi, mentan og ítróttur
Góðan morgun Føroyar
Í fornum tíðum rendi eitt útlendskt skip á land á Sandavágssandi.
Staðurin hevur síðani fingið navnið Eyðunsurð, tí hildið verður, at høvuðsmaðurin umborð æt Eyðun.
Viðhvørt, tá streymurin er harður, kemur skipsvrakið undan.
Partar av vrakinum eru í varðveitslu á Tjóðsavninum, meðan aðrar partar hava fólk tikið, ivaleyst stutt eftir, at skipið rendi á land.
Morgunsendingin skiftir orð við Helga Michelsen, forfrøðing, um áhugaverda skipið.
Tveir serfrøðingar, Philipp Grassel, Ph.d. í havfornfrøði, sum arbeiðir á Deutsche Schifffahrtsmuseum í Bremerhaven, og Kevin Martin, havfornfrøðingur, sum er íri og í løtuni ger eina Ph.d í Íslandi, eru komnir til Føroyar at kanna forna skipsvrakið nærri.
Teir taka petti av vraklutunum og senda teir til Danmarkar til nærri kanningar.
Gongst sum ætlað verður skipið tíðarfest um nakrar vikur.