Magnus Carlsen er undir trýsti

27-11-2018

Nú øll tólv talvini eru endað við javnleiki í HM-dystinum, er trýstið á heimsmeistaranum, Magnus Carlsen, halda Suni Merkistein og Helgi Dam Ziska

Tólvta og seinasta talvið í HM-finaludystinum í London millum norska heimsmeistaran, Magnus Carlsen, og amerikanska avbjóðaran, Fabiano Caruana, varð telvað mánadagin.

Talvið endaði eins og hini 11 við javnleiki, og fyri fyrstu ferð nakrantíð eru øll talvini í einum HM dysti endað jøvn.

Hetta hendi, tá Magnus Carlsen góðar tríggjar tímar inn í talvið bjóðaði avbjóðara sínum, Fabiano Caruana, remis. Nakað, sum vakti ans millum áskoðarar og serfrøðingar.

Suni Merkistein, talvkønur, og Helgi Dam Ziska, stórmeistari, greina seinasta talvið og støðuna, nú tað er greitt, at neyðugt verður við umdysti fyri at finna heimsmeistaran í talvi.

- Trýstið er á Magnusi Carlsen, eru teir samdir um.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)