- Tíðindi, mentan og ítróttur
Góðan morgun Føroyar
Tað er strævið at vera ungur í dag, skrivar DR á heimasíðu teirra. Fleiri og fleiri ung stríðast við sálarligan mistrivna, stress ella tunglyndi. Hetta er í einum heimi undir konstantum broytingum, har avriksmentanin setur krøv til tann einstaka.
Í Danmark hava tíggju ung tikið stig til royna at basa hesum. Tey hava latið Ellen Trane Nørby, heilsumálaráðharran í Danmark, ein bókling. Í bóklinginum standa níggju ráð um, hvussu vit betra um sálarheilsuna hjá ugnum. Ráðini fevna um alt frá tilvitskuna um sosialu miðlar, kropsfatan, upplýsing um mørkini hjá tí einstaka og lættari atgongd til sálarliga hjálp. Sí greinina um hetta her.
Trý føroysk ung fólk eru biðin um at velja eitt ráð burtur úr teimum níggju, sum tey halda er serliga týdningarmikið.
Bjørk Teitsdóttir valdi ráðið, sum ljóðaði soleiðis: Tað skal vera frírúm til børn og ung, har tað ikki skal avrikast ella præsterast.
Tóki Gyldenkærne Dalsgarð valdi ráðið: Børn, ung og teirra umhvørvi skulu hava talgilt dannilsi.
Annika Samuelsen valdið ráðið burtur úr teimum níggju, sum ljóðaði soleiðis: Virðingin fyri mørkunum hjá tí einstaka skal styrkjast.