- Flogbóltsgenturnar eru ógvuliga spentar

04-01-2019

Tað eru Tórshavnar kommuna og Flogbóltssamband Føroya, ið samstarva um kappingina, sum er í Høllini á Hálsi.

Í dag byrjar EM-kapping í flogbólti fyri U16 landslið hjá gentum.

Hetta er yngsti árgangur, ið Flogbóltssambandið nakrantíð hevur havt við í altjóða kapping.

Somuleiðis er hetta størsta einstaka kappingin, ið Flogbóltssambandið hevur fyriskipað.

Hetta er alt samalt liður í tilgongdini at menna leikararnar til størru uppgávurnar, ið liggja fyri framman á altjóða pallinum, sigur Magnus Tausen, formaður í Flogbóltssambandi Føroya.

Liðini eru býtt í tveir bólkar. Føroyar eru í bólki við Danmark og Írlandi. Í hinum bólkinum eru Finnland, Svøríki og Ísland.

Føroyar spæla tveir dystir í dag, fríggjadagin.

Klokkan 15 ímóti Írland og klokkan kl. 19.30 ímóti Danmark.

Magnus Tausen vónar, at nógvar áskoðarar koma í høllini á Hálsi at hyggja.

Tað er ókeypis atgongd til allar dystirnar.

Stroymt verður beinleiðs her.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)