Hávard Vatnhamar hevur fingið 156.000 krónur í stuðli. 

Hóast tað bara eru trý ár síðani, at hann fór undir at íðka paratriathlon, hevur hann longu vunnið seg fram á 16. pláss í heiminum.

Stóra málið er at sleppa til Paraolympisku leikirnar í Tokyo í 2020.

Neyðugt er at vinna seg fram upp á 10. pláss fyri at sleppa ígjøgnum nálareygað.

Nú fer Hávard Vatnhamar at ferðast kring heimin og taka lut í kappingum og á tann hátt vinna sær so nógv stig sum gjørligt.