- Eg hevði onga lívsgóðsku

09-01-2019

Fyri 22 ára gamla Trónd Húsgarð byrjaði 2019 væl. Hann hevur júst fingið eina medalju, sum er prógv um, at tað ber til at koma úr rúsevnismisnýtslu

Fyri 22 ára gamla Trónd Húsgarð úr Havn verður 2019 heilt serligt.

Hetta er fyrsta árið síðani 2014, at lívið hevur veruligt innihald aftur og ikki bara snýr seg um rúsevni.

Tí fyri skjót fimm árum síðani byrjaði Tróndur Húsgarð eitt keðiligt rúsevnismisbrúk.

- Tað byrjaði við, at eg fór at roykja hassj, men skjótt bleiv tað eisini til sterkari evnir so sum MDMA og LSD, sigur Tróndur Húsgarð.

Eftir stutta tíð var tað ikki bara í vikuskiftunum, at hann rúsaði seg.

Seint í 2017 var rúsevnismisnýtlsan komin so langt út, at Tróndur Húsgarð mátti í viðgerð. Hetta hevur gingið fyri seg á viðgerðarstovninum Frælsi, sum hoyrir til virksemið hjá Frelsunarherinum.

Líka síðani hann fór í viðgerð, hevur hann megnað at hildið seg frá rúsevnum.

Í morgunsendingini greiddi fortaldi Tróndur um rúsevnismisbrúkið, og hvussu hann eftir drúgva viðgerð hevur fingið eitt vanligt lív aftur.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)