430 ár síðani Magnus Heinason var tikin av døgum

18-01-2019

Henda dagin, tann 18. januar í 1589, var Magnus Heinason avrættaður í Keypmannahavn. Árið eftir verður deyðadómurin ógildaður

Søgan um Magnus Heinason er umstrídd.

Í hugaheiminum á fleiri er hann tjóðarhetja, men so eru onnur, ið vilja vera við, at hann var ein brotsmaður, sum hevði uppiborið sína revsing.

Páll Nolsøe, sum læt úr hondum bók um Magnus Heinason í 2016, sigur, at hann var ógvuliga samansettur sum persónur.

Hann var ein ævintýrari, ið framdi nógv brøgd og roysni, men tað er einki dulsmál, at hann hevði eina langa syndaskrá.

Helst hava føroyingar romantiserað Magnus Heinason. - Hann var ein rebellur, sum ikki vildi góðtaka mørkini.

Páll Nolsøe heldur, at hann kanska er best lýstur sum ein antihetja, og tað er tað, sum ger hann so áhugaverdan.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)