Jodel snýr seg um at spyrja og svara spurningum - og tað serliga er, at tú ert dulnevndur.

Jodel hevur elvt til, at rektarin á Glasi meldaði eini boð til løgregluna. Men hvat er hetta fyri ein app, og hví eru so nógvir ungdómar áhugaðir í henni?

Emma Annika Thomsen og Oddvør Brøðraberg skifta orð um, hvat fyriferst á Jodel, og meta um, hví appin er so vælumtókt millum ung. 

- Appin er bæði góð og ring. Summi verða útstillaði, og tað er ikki gott, siga tær. 

Tó vilja tær við, at appin eisini hjálpir serliga tannáringum at fáa svar uppá spurningar, sum tey annars ikki tora at spyrja.

Hilmar Højgaard, praktikantur, gjørdi innslagið.