- Tíðindi, mentan og ítróttur
Góðan morgun Føroyar
Kinna Poulsen, listaummælarari, leggur dent á, at hon vanliga heldur listafólk og listaverk atskild. Kortini kennir hon seg ávirkaða av nýggja heimildarfilminum um Michael Jackson, Leaving Neverland.
Hon væntar, at tað sum heild verður lurtað eitt sindur minni eftir hansara tónleiki næstu árini.
Kinna Poulsen vísir á, at nærleiki og fjarleiki spælir ein týðandi leiklut.
Enn er filmurin feskur í huganum hjá hyggjarunum, og tí er ávirkanin rættiliga sterk júst nú. Samtíðin er ógvuliga moralsk, minnir listaummælarin á.
Spurningurin, sum verður umrøddur í morgunsendingini er, hvørt tað ber tað til at brúka og njóta listina hjá einum listafólki, um viðkomandi hevur gjørt okkurt, sum tú heldur vera ófyrigeviligt?
Kjakið hevur tikið seg upp aftur, nú heimildarfilmur um Michael Jackson vil vera við, at kenda poppstjørnan hevur gjørt seg kynsliga inn á fleiri ungar dreingir.
Í kjalarvørrinum á skuldsetingunum hava nakrar útvarpsstøðir gjørt av at taka Michael Jackson av sínum playlistum.
Aðrar støðir halda hinvegin, at tónleikur og listafólk er hvør sítt og síggja tí ikki orsøk at lata vera við at spæla hann.