43 tippaðu allar dystirnar rættar

15-03-2019

Tað ber til at tippa í sambandi við hvørt av teimum 27 umførunum í landskappingini

Tá fyrsta umfar í bestu fótbóltsdeildini hjá monnum var spælt um vikuskiftið, vóru tað fleiri, sum høvdu eina eyka góða grund at fylgja væl við, hvussu dystirnir lagaðu seg.

Tí næstan 1600 fólk høvdu tippað á nýggju Sona-appini.

Hetta prógvar enn einaferð, at føroyingar hava ómetaliga stóran áhuga fyri fótbólti, sigur Lív Egilsdóttir Olsen, samskipari- og søluráðgevi hjá Føroya Tele.

Hóast okkurt úrslit var heldur óvæntað, serliga dysturin, sum TB vann ímóti AB, so vóru 43 fólk, ið høvdu allar dystir rættar.

Lív Egilsdóttir Olsen greiðir frá, at tað var ein ávís mótstøða tá farið var frá kenda nummar.fo til nýggju appina, men nú tykist tað sum, at brúkararnir hava tikið undir við henni.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)