Í hesum døgum eru umhvørvisdagar í Klaksvíkar kommunu. Í tí sambandi fingu tvær familjur eina uppgávu: Tær skuldu íkki brúka bil í eina viku.

Onnur familjan, ið fekk hesa uppgávuna, eru Niels Juul og Sigrid Arge.

– Sjálvandi tá vit skuldu keypa stórt inn var tað kanska ein avbjóðing, men annars kláraðu vit okkum væl við at ganga og at súkkla, sigur Niels Juul.

Ofta verður sagt, at veðrið í Føroyum ger, at vit eru so bundin at bili. Men hetta kann ikki brúkast sum ein undanførsla, heldur Niels Juul:

– Í Føroyum hava vit eisini góð og heit regnklæðir, so tað er eingin trupulleiki, sigur Niels Juul.

Í morgunsendingini greiddi hann frá, hvussu tey sum familja hava upplivað ta bilfríu vikuna.