- Tíðindi, mentan og ítróttur
Góðan morgun Føroyar
Kristina Bærendsen minnist, at hon í fyrstu atløgu als ikki hevði hug at syngja í íslendska eurovision-umfarinum,.
Tað var Sveinn Runar Sigurdsson, í Íslandi bara nevndur Dr. Eurovision, ið hevði skrivað sangin Mama Said.
Hann hevði leingi leitað eftir røttu røddini at bera sangin fram.
Tað var ikki fyrr enn hann hoyrdi Kristinu Bærendsen, at hann var sannførdur um, at hann hevði funnið rætta sangaran.
Kristina Bærendsen játtaði loksins at syngja Mama Said, men hon leggur dent á, at hon persónliga ikki var í einum góðum staði í lívinum.
Hetta sæst eisini aftur í teimum samrøðum, sum vórðu gjørdar í íslendskum sjónvarpi, sigur hon.
Samstarvið millum Kristinu Bærendsen og Sveinn Runar Sigurdsson heldur tó fram.
Íslendingurin, sum hevur skrivað 17 eurovision-sangir, hevur, við íblástri frá persónligu upplivingunum hjá Kristinu Bærendsen, skrivað sangin, Papa.
Hetta er ein ógvuliga rørandi sangur, og sangavrikið hjá Kristinu er nakað av tí besta, eg havi hoyrt, sigur Sveinn Runar Sigurdsson.