- Tíðindi, mentan og ítróttur
Góðan morgun Føroyar
Onkur, nakar og summi hava hvør sína merking, og tey verða brúkt á hvør sín hátt, hóast tey viðhvørt kunnu verða nýtt sum samheiti.
Dømi:
1. 'Er nakar her, sum hevur verið og ferðast í ár?' (spurningur)
2. 'Onkur man hava verið og ferðast í ár.' (staðfesting, onkur, men eingin ávísur)
3. 'Summi ferðast á hvørjum ári.' (staðfesting, summi, nøkur ávís)
4. 'Eingin hevur verið og ferðast enn.'
Men undir ávirkan av donskum er nakar í ferð við at troka hini burtur, sigur Elin Henriksen.
Dømi:
1. 'Nøkur munnu hava verið og ferðast í ár.'
2. 'Nøkur ferðast á hvørjum ári.'
3. 'Ikki nakar hevur verið og ferðast enn.'
4. 'Sást tú nakran har?' (spurningur)
- 'Jú, eg sá onkran.' Heldur enn: 'Eg sá nøkur'
- 'Nei, eg sá ongan.' Heldur enn: 'Nei, eg sá ikki nakran.'
Klíggja fingið nýggjan týdning
Orðið, gúlpa, fær eisini drúgva viðgerð í Málteiginum, tí orðið verður oftari og oftari brúkt, tá fólk tosa um pinkubørn.
Nógvir lurtarar skriva til Málteigin, at orðið, gúlpa, hevur annan týdning enn klíggja.
Elin Henriksen er ósamd og vísir á, at gamalt var at siga klíggja, tá tað rann upp hjá pinkubørnum, ið vórðu tikin upp at ropa.
- Men um orðið, gúlpa, skal brúkast, eigur tað at verða stavað við -ú, ikki y, sigur Elin Henriksen.
Internet of things
Nýggja orðið, sum verður viðgjørt hesaferð, er føroyska orðið fyri Internet of things.
Føroyska orðið er tólnet.